尼斯的第一天：Written Test + LOU CASTLE

我住既呢段period，係有三個 (連埋我) students一齊住，我同一個由Swizerland既女仔住，仲有一個Sweden既就自己住單人房。呢間真係豪宅黎，個廁所都大過我間屋，有兩層仲有個無敵天台，最勁既係有部三角琴起客廳。不過最唔好係竟然有隻貓，同爸爸食煙=.=
梳洗後便吃早餐，呢個係自助式早餐，廚房好多存貨任取，都係可可片加牛奶或麵包自己揀。杯同碗用住係放起個我估應該係洗碗碟機度，不過我見到…好幾隻小昆蟲爬下爬下~…..~

08:15：是時候出門，今日要做個test。由學校提供既資料都好似唔多準確，一黎唔係坐巴士(好彩班機delay左要改搭返tramway)，二黎屋企竟然有貓，不過好彩冇狗。好彩Sweden 女孩可以帶我一起上學，不過我地都遲到。下車步行去學校的路程最少十分鐘，超遠。成身濕晒既時候，我地竟然要起個冇冷氣既大堂做test@.@！好彩帶左把扇。望住份全部法文既卷，我幾乎就想交白卷，因為真係一個都唔識，不過唔填野又真係唔係幾好…之後我發現原來有本grammar既書仔，揭左睇左幾頁，比人發現左添。:P

做完written，等一陣要做listening，不過佢地叫oral test(我初初仲以為好似interview咁one by one入房見添)，哈哈，呢part更加係亂撞啦:P。唔知岩左幾多呢？:P 等待做oral期間，我只係起附近坐下，似乎佢地有D好似已經熟晒咁，唔知係 咪因為佢地住campus既關係呢？(我見佢地個個著拖鞋)，Homemate 都好想識人，不過佢見個個都有group咁好難埋堆，最後終於都比佢撩到人講野。我原本都諗住識下人，不過…我發覺除左要搵人幫既時候，我係想自己一個人多D囉，哈哈。第二個原因係，同佢地溝通完先發現自己其實唔識英文，只要讀音唔準確，佢地就唔知我講咩。今早吃早餐，大家互問背景果陣，佢係聽唔明我讀"student"，好彩有人替我翻譯(我估Homemate識過D亞洲朋友先明我講咩)，我先可以同佢地傾到下計。我忽然間覺得我或者下次要join London既course練返好D英文，會唔會好d呢？
 

聽說Nice的沙灘很棒，不知有沒有機會到此一游呢？

做完test，大家有幾個鐘時間自由活動，下午要返黎集合。我用呢段時間行左去海灘望下，坐下呢度似乎係唯一一條既電車路線，由一個總站去到另一個總站。返屋企囉野，點知間屋好似好齊人，爸爸媽媽都起屋企，好彩我唔係返黎做賊:P。
差不多夠鐘集合了，原來我地下午既活動係行下海邊觀下光。真係好，有埋導遊帶我地。EF Staff 帶左我地上個LOU CASTLE睇NICE既風景，呢個時候其實最好就係來一幅合照，不過我最後都係冇出聲=.= WASTE!!
之後我地又行左去巿集，唔知係咪因為我係咁影相，真係好似跟左旅行團咁，殿後既一個staff撩我講野，佢又唔識英文，真係超難溝通，不過我個case似乎係佢負責咁，佢竟然有袋住我host family個住址既卡。唔知黎呢度既日本人係咪多過中國人呢，佢地第一句通常都係問我係咪日本人先。

最喜歡俯瞰的感覺，
就像看著一個Lego City

行左~1.5 hrs，真係身水身汗，似乎一樽水唔係好夠，見同學仔都成大支咁拎住，似乎都係買返枝1.5升既樽好D。
遊完Nice海岸了，我地返去學校囉時間表。二、四要上下午堂。解散後終於都搵到電腦上網。報完平安後，我又起附近行下，搵下有冇條快D既路去電車站，忽然撞到個同學仔問路，佢唔識去電車站，我又帶左佢行。再逗留左附近一陣，我又搭車去GARE SNCF買車票。又係一個唔perfect既時間，去到Avignon已經入黑，又要摸黑去hostel=.=，而且又要早返，真係激氣。
 
係時候返去吃晚飯，佢地差不多八點先開飯，同我起香港差不多，唔同既係起香港唔駛捱住餓冇食午餐咁食晚餐，同埋呢度晚飯既時間，個太陽仲起度，日落中。我 地起無敵天台食飯。
第一道菜係蘿蔔絲+白蘿蔔絲+麵包 (我曾心想：晚餐唔係就係食呢D野呀?) ….好彩之後原來仲有個火腿蛋批+蘋果批，個火腿蛋批真係好好味，係我成餐唯一想食的。我驚肚餓，所以可以勉強放得入口既都盡量放入去。
一起吃飯，當然要閒聊一下，屋主幾乎完全唔識英文=.=，好彩Homemate英法皆通，幫我做翻譯。因為我實在太多野唔食，唔食生菜，唔鍾意食蘿蔔絲，又唔食蘋果批，佢問我地中國人食咩，好奇怪地佢問我食唔食貓肉，唔通佢地食既？呢度既感覺真係幾近大自然，除左佢屋企會有BEE外(因為有種花既緣故)，有鳥飛過佢地隨即拋舊麵包引佢地。差不多九點，晚餐完，都唔係食左好耐姐。
臨訓前，Sweden女撩我地講野，佢先黎參觀我地房，我地又去參觀佢間房。之後就黎左我地房傾計，我地講下黎緊時間去邊、平時鍾意做咩、同埋剩餘既暑假又做咩。 我話我返到去就要做返野，佢地聽到我話得14 days 假期好驚訝，好似好難以置信咁少。佢話應該都有一個月wor，仲要我諗工作時間一定短過我地添啦……Sweden女好想去巴黎，不過roomate對Paris印象就唔多好，佢話D人好差，好poor，似乎我今次揀Nice，應該冇揀錯吧！歐洲人應該閒閒地都識返兩二套語言，剩係同屋既面對兩位已係識英文、法文同佢地自己既語言，雖然佢地話自己法文唔得，不過都已經溝通到聽得明。我就學左十幾年英文都仲係半桶水。不過佢地講講下會mix up晒D語言，所以我地有時聽唔明佢地講咩，係咪正常既呢？:P

小詩子走天涯 - 轉機、到埗

下午七時許，陽光還是如此普照。
歐洲暑假的時間，似乎特別好用。

等了又等，終於等到飛機快將降落的一刻。19:3X，終於抵達巴黎CDG機場，太陽仍然普照四方，像香港下午四、五時一樣。鄰座那位法籍乘客仍然對我照顧有加，替我查閱電子版上的航班閘口，與她道別前的一句：「Good Luck!」深深印在腦裏，像為我的獨行路揭開序幕。不知是否歐洲日照時間長的關係，這個機場大多用玻璃幕牆，即使身處室內，仍感受到太陽的熱力與光芒。 距離20:05的起飛時間尚有一段時間，我的心情卻沒有鬆懈，對於到達Host Family這第一個任務，仍感到前路茫茫。

由尼斯至巴黎的航班只需~1.5hrs，第一次乘坐小型飛機的感覺很不同，轉彎的離心力很棒呢！一邊期待快到達尼斯，一邊看著天色轉暗，心情可謂百感交雜，期待飛機降落的時刻，懼怕降落後入黑摸路的危險……
終於看見尼斯機場了。焦急的看著行李輸送帶，等待行李的出現，已經22:00(法國時間)，當我還以為要過關之際，竟然…這裏不用蓋印便可以離開機場。還未趕及嘆息，我便要趕著離開機場， 根據我早前的資料搜集，我要乘搭#98 bus往巿中心，再轉Tramway。此時的我，內心實在有點方寸大亂。幸好只是心中的亂還未造成行動上的混亂。我一直看著巴士上的時鐘，時間一分一秒的 過，終於還是要22:49才抵達巿中心。只知下車站的我不知往哪裏走，幸好有同行乘客的提點，我匆匆忙忙的趕去輕鐵站似的的Tramway station。
 
 
第一次在陌生的地方入黑找路，真係好似探險咁，又驚又危險，膽粗粗的截著路人問路(深夜時份)，膽粗粗的跟一個陌生男子走了一段黑漆漆的路……(事隔數年，這段經歷還是歷歷在目)。到達My Host Family Home，已是11:45pm了。媽媽跟我簡單的說了早餐的材料、給我一張點出了學校位置的地圖，交給我鎖匙，便讓我梳洗睡覺了。這麼晚才到，我也感到打擾了他們呢！

我終於…一個人來到歐洲了。

小詩子走天涯 - 啟程

等待半年，這一天終於都來臨，是時候獨自上路了。
是上天的眷顧嗎？今天我並不是獨個兒，父母也是今天起行，我往法國，他們往上海，一幅飛機分道揚鑣的畫面浮現在我的腦海裏，很有趣。
早上六時許，是時候起床了。由於爸媽的航班較我的早四十分鐘，我也提早跟他們一起出發。

天色，還是很差……
我的飛機午餐與晚餐, 實在麻麻地

怎料，我擔心了幾天的事情還是出現了——The flight was delayed。我還未走到Air France的counter，工作人員已經遞出一張機組人員調動的通告給我，是我的航班。由於航班延遲了一小時，所以我趕不及轉接原定18:15的第二程客機，需改乘遲一班20:05起飛的航班，換句話說，我趕不及接駁預先計劃乘搭的#23巴士 (現在想起來，也許是好事。避免了坐錯車的風險)。替我辦理check-in手續的工作人員應該是新入職，對操作系統尚未純熟，我又希望可以原定時間抵達，故請求她替我有沒有方法準時抵達，後來她請了一個高級職員協助下，我還是要接受現實的按照他們的安排，乘搭這班delay的航班。
 
小詩子走天涯終於都開始，第一關就是等待。客機延遲了一小時，我比預期多等一小時。乘搭無人駕駛後，我在閘口34附近飄浮，回想起第一次搭足禁區的那次泰山訓練營，與這一次旅程成了很大的對比……
轉眼間，是時候準備登機了，這一個多小時比我想像中過得快。等待登機之時，我看見了三個似乎沒有成人陪同的孩童(大概6-8歲)跟著空中姐姐辦理登機手續，也許我也不算大膽吧！他們豈不是比我更上一層樓嗎？

一邊等待一邊留意著天空的變化，黑雲越積越多了，航班會因天雨關係再度延遲嗎？心裏忐忑得很，為起飛而憂，為到步而慌……
似乎所有乘客經已上機，幸運地鄰座是一個空位，與我同行的只有一位女乘客，我猶豫了好幾秒終於鼓起勇氣問她，她果真懂得英語，還蠻流利的呢！心知要乘巴士，所以我請教她請司機提點下車既法語是怎麼說，其實我已經嘗試寫 了出來，她看了後，當然是完全錯誤:P。她除了替我proof-reading外，還很Nice地用我殘缺不全的地圖了解我要去的地方，教我怎樣去。雖然沒點大幫助，我也很感謝她的幫忙。她知道我要趕轉第二班機，還屢次替我詢問服務員我能否趕及轉機，讓我可以放心下來。所以整程機，我也不好意思打斷她的好夢，水也不敢飲太多，雖然沒有睡意，睡覺還是在機上最適合做的事。然而，能量還是太多，我只能斷斷續續的睡和「玩耍」。

我的同行密友

終於可以完全解破扭計骰了！扭計骰玩完，旅遊書看畢，法文書沒心機讀，電視，亦沒什麼好播。12小時的長途機原來真的有點難捱，看著時鐘，尚有6小時…..平時三四小時gap都過得很輕鬆的我，面對12小時的gap真的有點束手無策。