第二十一天：Au revoir, Nice

07:XX：半睡半醒，room-mate等起了床，一個要離開，一個要遠遊，雖然我沒離開被窩，也跟她說了最後一聲再見。
08:4X：正式起床，此時alarm仍沒響起，是這兒的time slot很適合我還是traveling effect呢，在這兒好像少了懶床。梳洗過後，吃這裏最後的一個早餐，仍然是朱古力可可片。來到最後一天，附近的景點通通也給我重遊數片，已經沒什麼地方可去了。雖然不急不趕，仍趕及09:45到海邊的公車。還以為站在最出處是觀看Nice海景的佳地，怎料還是麻麻，太多障礙物阻隔，還是一次偶爾上山的景觀最正。

終於，我還是決定多上一次。用了15mins行上去，沿途我發現原來自己錯失了一個環境優美，位置良好的公園，慶幸自己決定多來一次。沒水的瀑布，今日亦胸湧澎湃^^。太好 了！如此最佳位置，卻用不了腳架自拍，邀請了路人伯伯替我拍照，可恨他是不懂拍照，勞煩了他兩次，也不好意思再打擾他第三次。就在幾乎要帶著遺憾離開 時，Cam man出現了 :D:D，還替我拍下兩幅照片，加一句 "beautiful girl"  (鬼佬都識分唐人係靚女or唔靚女咩?)



剛巧碰見一對新人拍照，我在附近徘徊很久，想冒昧拍照一番挑戰自己，最後還是不敢開口。:P
很想在這裏逗留多一會，但係旅行中的心情總是不能像身處家鄉般停下來。一個小時多，便離開這最後一站。 

下山逛了逛巿集看還有什麼可以買回香港，然而香港實在應有盡有，根本不用在此帶回去。經過一檔很多人排隊的食店，我遊覽整條街一片，決定在這豪最後的一餐，很久沒有一頓這麼飽肚的午餐了！真的很想打包呢~
 

13:3X，尚有很多時間，又再一次在Place Messena拍照，玩了差不多一個多小時，就是為了捕捉Tramway出現在相片的最佳位置，怎料竟是這麼困難!? 剛巧遇見了日本同學仔，合照了一張呢！







 







15:0X，返回家執拾行裝，準備離開了。
16:XX，時間實在仍然太早，我彈了一小時琴，引得小孩子走了出來坐下聽我的演奏呢^++^
17:3X，是時候離開了，最後我還是和他們來了一個法式道別！
17:40，公車就在我眼前出現，又要追巴士(我原本明明打算搭遲一班的)=.=，不過也好，不用曬著等巴士。
18:3X，到達機場，原來要過去Terminal 2(原來就是我抵達的一邊)
18:44，check in辦好了。但我蠢了，這麼早就進入禁區。我班機，又delay了(10mins)=.=
20:35，開始分批登機，但boarding machine有點問題。到我之時，亦出現問題，我等了一會才讓我上機，機上的staff卻要查看我的boarding pass，mine卻因為machine jam並沒取回，結果我要罰企，站在一旁等後處理。=.=
21:0X，他們終於溝通完畢，我可以坐，我的坐位卻變了一個窗邊位。我也來不及了解便胡里胡塗的坐下了。我怕一再delay會影響第二程機。
21:13，終於離開閘口。原定20:45的客機，21:18才衝上雲霄。

幸好掉了一個窗邊位，最初沒什麼可看，後來轉了一個靚彎，完全看到整個Nice的面貌。此時此景，跟來這的一刻幾乎一樣——黃昏的尼斯。
22:2X，已經到達Paris，原定1.5hrs的機程竟然一小時便到達。似乎有足夠時間趕及第二程機。一落機，便見到接轉機客的工作人員接送我們轉駁第二程機(去果程都沒有這麼的招待)。我們竟然需要半個小時才到達，然而這兩個閘口已經叫近！走到第二程機的登機閘口，剛好看見登機的queue，還有點 時間去個洗手間^^，時間很perfect。

23:45，終於起飛了(原定23:15離開)。
幾乎未捱到個meal，就已經想睡，真的累了！

第二十天 - Last lesson

最後一個上課日，07:45便出門。今早多雲，氣溫更加清涼。回去課室，小高老師已經到達(我班有一位日本退休老師，喜歡認識日本人，特別跟他多聊幾句)。今天的測驗終於識做了，但也需Miss的提點才取得滿分。

第二堂玩「我是誰」，因為我幫了同學S估中Mickey Mouse，佢就叫我了，幸好我的題目很淺，我問到是Movie Star、是Chinese，我就知是Jacky Chan了。^^ 到日本老師估，佢的謎底是碧咸，他們問我識唔識David …，我唔知係講緊Backham，所以話唔識但係識得Backham，真係勁搞笑。:P

放學了，不知為何三位Maxcians女孩想跟我keep contact呢？怎麼也想要我的FB；小高老師就想同我吃lunch，雖然我都有點想，但我同他說趕時間，還是有點怕呢！(確實我替自己安排得行密，爭取時間，去多點地方看看耶！) 

原本打算坐#81，不過見到架去Colormars的#62，我又跳左上去兜左轉。沿途風景比#89好(因為上山)，最終也去了Asprement Village，不過因為怕走尾班車(我坐果架)，所以都唔敢離開車站太遠。
 
回了學校一趟，在學校附近的麵包店第一次買我的lunch，不過我還是不捨得花錢買，所以只選了0.9€朱古力包(很好吃，還很記掛著這個朱古力包的味道呢！)。

之後去坐#81，又遇到前日既司機，他還認得我 (我前日好似玩咁，呢頭落車果頭又上車)。
15:30，到達St-Jean，有陣涼風，好舒服！
16:0X，真係已經冇咩energy，亦都唔識再笑住影相。買左杯雪糕坐起車站附近對海既樓梯嘆！
16:45，有車，又係佢，我終於都鼓氣勇氣跟他說來一幅合照。不過都未過一個站，我見到有幾個雕塑，就即刻跳落車，唔知佢會唔會以為我玩呢？影緊 Statues，忽然有人問我識唔識法文 / 英文，唔知佢做咩，所以我扮唔識英文。Miss左班車，就要等一個鐘，今次再唔係果個司機lu，不過途中見到佢入緊st-Jean。:P
18:3X，到達總站，實在太累了，再沒energy開腳架拍照，終於要回去了。
 

這裏最後的一頓晚餐竟然是中國菜：菠蘿豬肉飯，當然不少得前菜，是我不吃的哈密瓜，不過我也勉強吃了一塊。飯後我們到天台拍照。我自製了一封信，給寄宿家庭給我一點feedback，原來他們也有一本紀念冊，讓曾寄住的學生留言。我還有本旅行手記，也給Homemate 給我一點評價。還是喜歡知道別人對我的感覺是如何呢！

第十九天 - Swimming in Nice

今天沒什麼充實的行程，只打算放學到石灘游泳，這裏出名的是陽光與海灘，三星期也沒享受過這又似乎欠一點點。
終於可以慢條斯理的起床、吃早餐。才九時多，忽然發現也許可以到colormars一趟，就在猶豫、執拾行裝之際，我趕不及了。哈哈！唯有在家整理相片，到學校上網，早點到課室。非常游閒的一天。

中間的gap，我去了Supermarket shopping，終於買了一點東西回港。但其實我相信香港也能買到！因為放學要去海灘，我還是回家放下東西再回校，時間剛剛好(遲了五分鐘)。這堂玩作故事，我聽唔明，不過Miss幫手，我都作到少少。:P

放學約定了Roomate一起去海灘，但今天實在有點凍，自己一個，一定放棄了。想不到，剛到埗第一個星期，天氣係酷熱。只不過過了兩星期，晚上的氣溫已經轉涼了。去到海灘，也猶豫了一會，終於也為了不可浪費今天的裝束而下了水。海水很咸很凍，也有很多漂浮中的葉。(我想我會比較喜歡布吉的海水、海灘更多。)所以我只下水15mins，實在抵受不住水溫跟咸度，我放棄了，Roomate也給我嚇壞，怎麼來到一會就玩夠。:P

是晚，前菜是生蕃茄，Roomate覺得我實在太picky，怎麼也要我一試，我也只好勉強的吃了一口，實在吃不了。但太太好nice的給我切了一片西瓜。主菜吃回第一餐的火腿蛋批(Quiche)，最喜歡就是這個菜式，真的很好吃，實在太喜歡，我問准主人家，可以讓我替她的作品拍照留念^^。




飯後和他們玩波子棋，他們還是喜歡跳棋多於食棋。
後天便要離開，很不捨得啊！

第十八天 - 81號巴士

今早真的完全不願起床，勁想再睡，好不容易才能離開那張舒適的床。

今天的時間表最差，上下午也有堂，只能在學校附近拍照，原來下午在Place Messena是最好，中午時份還是有背光問題。
去了Jean Medein的商場逛逛，但這兒的購買慾 = 0 ，太貴了，就像在海港城一樣，路過便算。去了郵局把一疊明信片寄出，不知會否寄失呢？
Computer Lab永遠一堆人，我還是早點到課室等上堂，看看FRI, SAT還可去哪裏。
下午這堂pronounication很浪費光陰，佔了部份下午時間，又聽不明老師的話。不過我今天想跟那個日本的同學仔拍照，所以回去坐。哈哈，我還是喜歡認識日本人！
 





昨天很突然的決定今天下午會去Colormars，不過check過班次冇咁早，所以繼續起Messena徘徊拍照一番。又去了巴士information center取資料，我顧著看資料，撞落條柱度，真係勁低能勁痛~~@.<！
差不多時候去巴士站了，此時才發現原來該站沒車=.=。雖然我想盡力趕去此巴士的第二個terminal，不過實在太遠，又不知在哪，結果去唔成，剩返好多時間，做什麼好呢？
回到Bus Terminal，見到架#81巴士，就隨意地上車，還未知巴士會到哪裏。原來是我plan好星期五要到的地方耶！

其實是沒有遊覽的時間，但上了車，一嘗巴士路線跟車程也好吧！(反正有Pass + 百無聊藾)，到達後，取了一張地圖，走了。又遇返黎果個司機，哈哈！佢以為我玩:P。經過Le Port，落車影左幾幅相就回去。腳架，開始不想帶了！

今天晚餐到天台吃，玩BBQ，不過其實都係一鑊熟:P。燒左大腸+豬肉。當然不少得前菜既麵包+吞拿魚青瓜洋蔥couscous。仲有自家炸薯條添，估唔到下午想吃，夜晚就即刻有。^^

晚飯後我玩了一會兒琴，真好，想不到旅遊中也可以練習一下。(其實我懶於練琴，不過就是喜歡彈流行曲:P)

 

黃色是法國特產Couscous，但味道麻麻。
就算不太like飯，我都覺得飯比它還好

第十七天 - Grasse - Musee Perfumes《香水博物館》+ 小禮物

今早要去Grasse，所以08:15就出門。10:15先到，只有兩個小時在這條村遊覽，因為要趕返去上堂一定要坐12:05班車，似乎會好趕咁。首先又是去Office de Tourism取地圖，village既地圖真係特別難睇，D路左穿右插，真係好易唔知自己起邊，不過好彩去Musee Perfumes《香水博物館》既路唔太難找。

去到門口就已經一陣「香水」味，好難頂！我諗我都係冇咩興趣睇博物館，行冇幾耐就走，所以要pay果D真係更加無意慾睇。
之後我搵第二個景點，Cathedale，不過睇過咁多次，開始覺得冇咩特別。
 
時間無多，我仲要趕去最遠既第三個景點。(連我自己都未知係咩黎)。沿途穿過一個巿集，原本想買點手信回港，不過實在太貴，又冇咩用。

原來第三個景點都係香水博物館。仲有得製自己香水，不過成€40！終於決定搭遲一班，12:40先走，我又可以放慢腳步。玩扮statues，打算去埋post office買郵票，幸好有這個決定，我打算穿過香水廠去post office，比我發現原來我miss左個talk，於是即刻join去聽下，雖然講英文半明半唔明，不過既然黎到就梗係要盡吸啦！:P
12:40離開，開始聽talk既時候係12:10。結果我又起一個好趕急既心情下聽講，剛好12:35完結，還有一個statues未扮，不過已經沒時間玩了。要狂奔去巴士站，原本七分鐘行落既斜路，我要用五分鐘完成，真係想死！跑到我上氣唔接下氣，throat好似出血咁。不過好彩比我趕到班車，真係剛剛好。

差不多兩點才回到Nice，不過我記錯時間，原來已經上唔到堂pronounication。改去post office買郵票，剛好兩點開門，時間似乎幾好^^。
今日唔知點解又多左個日本人，我第一日黎呢度就已經見到佢，唔知點解佢會轉左黎我地班呢？
旅行到此，已經疲憊不堪，所以今天放學便回家，沒再去別的地方。但係我仲未plan好last FRI & SAT做咩好~

晚餐：
前菜：生菜蕃茄西瓜青瓜沙律，不過因為我唔食，所以比左個西瓜我。
主菜：好似飯既物體+羅宋湯+雞肉
甜品：朱古力沙糖pancake (最喜歡還是這個)

這是我帶來給寄住家庭的禮物，要想一樣又好玩又有香港特色
的遊戲其實很難，(香港出名還是美食)，最後我選擇了這個。

飯後活動：
差不多要離開，是時候送贈我在港帶來的小禮物了，其實也想了很多，原本想送中國象棋，但實在太多中文字，教不來(怎麼翻譯做法文呢？)，最後，我選擇了波子棋(是我認為香港兒時遊戲的代表)。 我們一起在天台花園玩波子棋，粒波子真係超細，手大一點都踢郁隔離果粒，第一鋪幸好是我羸^++^。
然後，他們也介紹我們玩他們的家庭遊戲，是一個像傷心小棧的Gambling遊戲，但非啤牌，有點分別(但係我覺得其實係一樣)。

法國National Day

已經是旅程中的第十六天了﹐今日是法國國慶，感覺上，人好像少了。
我今日捉了Homemate一起去Cannes，09:30出發。剛好可以搭10:00既車。原本想沿途看風景，不過我訓鬼左。:P

11:3X到達，不過呢度同Menton一樣，都係冇咩睇，都係有Festival先會有D野搞下。我地剩係去左La Palais des Festivals et des Congres門口，可能今日holiday，冇得入去睇>.<。好快我地已經行晒呢度既景點，原定打算15:30離開提早到14:30。呢度既selling point可能係個沙灘，因為呢度係唯一一個堅既沙灘，其餘的都是石灘。超杉腳……

15:0x到達Antibes，不過呢度更加冇咩野睇，而且呢個係中途站，真係有點怕會迷路，今日仲要帶多左個人，好彩落車附近就見到Office de Tourism。呢度真係冇咩景點，我都係照the staff介紹去左海邊再行去巿場。總算有兩張post card收穫，原本都想買D野返香港，不過實在太貴。唔捨得！

最後我地搭16:55班車離開(都係比預期早了一班)。
今日收穫似乎唔太豐富，有個識影相既同伴似乎真係幾緊要。還以為今日有人幫渣機會好D，點知D相好似仲差過自己影=.=。我又廢事要佢幫我影咁多次，忽然覺得原來一個人旅行其實真係幾好。真係可以任由自己控制時間點用點走，唔需要同人夾，亦唔需要顧慮咁多。(佢話我太Chur，所以應該不會再跟我去這去那了:P)

晚餐：吞拿魚粟米生菜蕃茄沙律、火腿意粉、士多啤梨奇異果香蕉朱古力，不過我唔食生果，變左香蕉朱古力，哈哈！

晚上跟Roommate一起去看煙火，初初以為係九點，不過原來十點先有得睇，所以我地去左間餐廳坐低飲杯野，估唔到我第二次去Pub係起法國，不過我一樣起人人都 飲酒精飲品既時候我飲非酒精飲品，今次我點了熱朱古力，比昨天的又貴一點：€3.5，不過呢杯好味D，冇咁多cream。
差不多開始，我們趕去沙灘，似乎好多人，幸好也找到個靚位看煙花，真係放得好矮，好似香港的靚D。而且很短，得十分鐘，之後我同佢地分開左，我返去 先，不過我起Messena徘徊、影相，有人玩魔術，有人跳hip hop，好熱鬧。不過我唔係好敢夜晚單獨留起條街度，所以影左陣相就閃。
搭Tramway果陣，見到有個人收埋左隻老鼠仔起身度，佢拎過隻鼠仔出黎，不過隻鼠仔又爬返去佢膊頭度，好得意。不過佢落車果陣又唔見佢膊頭有野，唔知隻鼠仔爬左去邊呢？

Levens Village - Italian couples

06:15：Alarm響起，要準備「偷渡」了。

06:45：要告別唯一兩晚有空調的房間，有點依依不捨。在車站等待顯示牌打出月台的位置，尚未有月台資料，卻看見此班列車需要reserve的，即有劃位，這次麻煩了。
07:37：列車準時離開Voie I。真的有車長查票，不過佢似乎無留意我的車票上的日期，最後也替我的車票打孔，大石終於放下了。
12:10：安全返回Nice。還在車站拍了一張照片。^^
 
 
 




 

15:30：隨機上了一架公車，到達了Levens Village，不過聽說沒什麼好遊覽，但是折返的巴士要等到17:40，我們被困了。被困的除了我，還有一對Italian夫婦+三個中國人。我隨 Italian夫婦走，去了一個有展品既地方看了一會，我繼續look around the village，與夫婦分開了，似乎真的只是一條住了民居的村莊，沒什麼特別，附近也被山包圍著，也沒有什麼景好看。後來又再次與夫婦會合，我與他們邊走邊談，半明半不明的聽+講，終於知道Tramway上的第三種語言是意大利文了，夫說Nice在France與Italy中間，在1860年簽左比 France，但係其實有好多Italians，所以或者其實應該belongs to Italy。佢地又suggest我去Italy一個叫Venezia既地方，好unique好值得去。今次可以話好彩遇到呢對夫婦一齊被困先可以傾下計，communication，還是最有價值的經歷。

18:4X：剛好可以回去沖完涼先晚飯。不過原來今晚佢地一家人外吃。只有我們三位寄宿朋友進餐。所以今餐只是簡單的快吃Pizza + 一堆我不吃的前菜:P。
趁他們不在家，我們玩了一晚鋼琴，哈哈！
終於看見月亮了，要到凌晨12:30才升到一個當眼的位置，難怪總是看不見月亮！

Lyon - Notre-Dame de Fourviere

陰天

Alarm尚未響，我想我已經有知覺(我校了06:xx)。Solo Travel就係咁，萬一睡得太好，聽不到鬧鐘，就會錯過所有行程。
似乎天色不太好，今天或許還是下雨……
07:15 正式起床，喝了一杯熱朱作早餐，去左搞車票，最後弄不著，放棄。
08:15，出發往Lyon Center，沒散紙買day pass，問左好幾個途人，最後還是要返酒店=.=

原來我還是不會跟自己的planning做事，昨晚度好既路程，今日完全毫不理會。昨晚plan好的行程是先到Musee參觀，再到露天景點拍照，不過我還是對Musee沒太大興趣，而且天色不好，趕它還沒下雨先盡情拍照。結果我既第一站就是山頂〈Notre-Dame de Fourviere〉，遇到個好好的車長，雖然那還是幅cut頭相(不比自拍的好)，不過都好想跟路上遇過的好人合照一番(最後當然冇啦)。

最喜歡站在最高處腑瞰整個城巿，或許這就是我喜歡Lyon的唯一一個地方。

 



之後去了附近的〈Theatres Gallo-romains〉，是一個for開concert的地方。有個好好的路人仲介紹埋個景點既background比我知，不過當然我係聽唔晒佢所講既野。當我離開之時，剛好有一班遊客，我跟著他們一起走，走到一個地鐵站口。

之後去了〈Place Bellecour〉，相信這是一個拍照的重要景點了。
 

去了Opera一帶，此處的地鐵班次很疏落，我總是在等車=.=，感覺很不好，是在旅程中最貴的一站穫得最少。去了一個公園(在Musee des Beaux Arts前) full of statues，我開始玩扮雕刻遊戲，好玩XDXDXD。原本plan左今日會去Musee des Beaux Arts，不過最後我還是嫌€6太貴，沒走進去。(Museum is not my cup of tea....)
實在太急需一個洗手間，但我找了好一段時間也不知附近哪裏有洗手間，結果我很stupid地返回第一站下車的地鐵站(今日前後我去了這個洗手間三次)。既然返來了，也就在附近再行一下，再去埋〈Cathedrale St-Jean〉和〈Musee … de Cinema〉，原本想再上一次山頂，剛好現在也有陽光，不過我還是決定去其他想到的景點參觀。
 

去了Henon站，Guide Map說此處附近有野睇。見到一道繪畫非常迫真的壁畫，以為我想睇既野就起呢度，點知原來我搞錯了。有三個好好的路人帶我去寫在Guide Map上的位置，不過原來七月個schedule係唔同，所以冇得睇。不過同呢三個途人又好好傾咁，個男既話佢去過香港，起HSBC做。呢度既人真係好 Nice咁，唔知係咪我好彩呢？
証實完我想睇既野冇得睇之後，便起行去〈Soiene Vivante〉，這是最便宜的Musee，不過附近的街道實在靜得可怕，而且要上一樓(好像上工聯會的center般)，結果我放棄了，改去早前撞見三個途人介紹的〈Maison des Canuts〉。之後我聽了三位途人的建議，去了Ampere Victor Hugo附近的〈Musee de Tissus et des Arts Decrafts〉，不過差不多closed了，所以我也是沒有進去。去了附近的公園又開始玩扮雕塑:P。

~18:00，Musee都收了，景點拍好了，沒什麼好做了。想搭Tramway去Masion de la Danse一看，怎料該路線已停駛。於是改路線，搭地鐵去Halle Tony Gamier。途中經過Center de la Resistance et de la Deportation，想入去，不過人地已經要收工。要我明天請早。
最後因為往Halle Tony Gamier的方向與折返酒店的方向相反，我還是放棄，決定返回酒店休息。最貴的兩晚住宿，當然要好好享受！今晚我的公仔麵終於用得著，因為這裏有熱水供 應。哈哈！我的麵變了發水麵包，很漲呢！所以吃到一半已想放棄。

在酒店的時間可以看足球賽事真是一件非常好的事，可惜歐國盃完結，沒什麼好看。今晚要一早睡覺，明天決定偷坐早一班列車離開！

P.S. 在Ampere Victor Hugo發現在網上找得的便宜一星Hotel: Alexendra，不過都好似貴過我住緊既一間。@.@
八掛查詢Athena隔鄰的酒店價格，竟然比我的貴一倍！

沒Plan的Lyon Trip

今日有個test，當然我係唔多識做，其中一part係填動詞，Miss解晒D動詞，之後仲坐起我旁邊解埋成句我聽:P 
第二堂玩超級無敵Close the door法文版，我完全唔識解，Miss教我講咩就照讀，我都唔知自己講緊既係咩，讀得有幾正真係唔知道，不過D同學又真係估到，Juulia很厲害。因為今日係Juulia既last day，所以我叫左成班同學影相。
之後回家收拾行裝，剛好遇見Jamois佢地，起家吃埋個麵先出去。
 
原本想改張ticket為3 days pass，點知原來我張飛係要有張12-25既card先可以以該discount買既。
 

17:40，個天黑晒，Lyon會下雨，整程車都為身處Lyon的日子憂心……心情不好！:(
終於都到了Lyon，實在急不及待要查詢返Nice的車票。排隊期間，身後忽然多了個古古怪怪的0靚仔，佢應該係打尖成功偷笑，不過我勁驚佢係偷野。
票務處總是大排長龍，等左勁耐，終於到我，我又好彩咁遇到個似亞裔既票務員。我都唔知想點，想找最平既way回Nice，但又想轉去Nimes / Montpellier 果頭既地方先，但係原來去果度最平都要€2X，我怕唔夠錢，所以又問最平返Nice果程，好彩佢領悟力高，知道我既final decision係Nice (我張紙寫到唔知點咁…:P)，佢check到最平既係SUN €40，不過我又要問埋MON，結果我係揀左MON 最平既超早班次€45。佢仲give me an suggestion about the cheapest hotel, but their booking were already full. 結果我又去返最近車站既一間Athena，不過我真的不能相信這麼近車站的酒店會是最平。但係個price又的確唔算太貴(在此位置)，於是我book了兩晚，就這樣地用去 €100…在Lyon的洗費真係瞬間即逝Y.Y

此時才七時，還是外出逛逛，似乎真係冇咩好睇咁，同上星期相比，感覺係又貴又唔抵。而且又落雨，我在電話亭避雨一會，最後決定返回酒店(20:15)。路過一間寫著B&B的酒店，以為是Bed & Breakfast，我進去查詢一下，€44/night，雖然平少少，不過一樣無breakfast而且距離車站頗遠。
己經夜了，我打算今晚早睡明天早起，所以唔打算吃晚餐。今次終於有熱水了，我沖了杯朱古力當晚餐。Everything settle down，plan好明天的行程便睡，但已差不多23:30，完全不算早睡。=.=

Eze village

天氣清涼
今日吃早餐時都有點冷，不過不用帶外套外出。

09:00，巴士出發。09:23，到達Eze village。唔知係咪因為期望過高，所以黎到返而有點失望。一黎個景唔係真係咁正，二黎正景都比hotel同restaurant霸晒，要比錢先有得睇下。所以差不多1 hr就行晒。但係要到11:40先會有車，唯有再行下，影下相。
呢個村好似仲細過St. Paul de Vence，但係hotel既數目好似仲多，總之比例就極高(對比村既面積)。
 







 

大地在腳下會讓人有種文字不能盡釋的愉悅感

終於都係唔能夠fully use the time，唯有早D去等下車。不過架車又遲黎左。因為今日有堂無聊既conference堂，所以趕住回家拎notebook，好彩趕得切上堂。不過最後部notebook都係用唔著，上唔到網=.=，結果我都係去左computer lab。搵左D Lyon住宿既資料。真係超貴，最平都要€45一晚。點算……

今日兩堂好似冇咩學過野，第二堂教男仔變女仔(nouns)，同埋傾計講hobbies，不過我完全唔知佢地講咩。Miss個個都問晒，係剩返我。我當然係love dancing，Miss就話要跳少少黎睇下，哈哈。

放學去左買車票，原來去Lyon一程都要€57，超貴，買3 days pass都只係€125，蠢左>.<。

今餐晚餐係牛肉炒米粉，佢話係Chinese food。原來米粉係Angel Hair。

第十天：Menton & Monaco

天氣很清涼

第一天要帶外套外出，不過其實都只係出門果下著左陣，因為今日我又去bus traveling。
今次終於唔駛趕頭趕命，我校早左鬧鐘，06:45就起身。今餐唔再食牛奶可可片，換了麵包餐。開始有點掛念起香港甚少會食既餛飩河……
今日唔知點解又多兩個唔知由邊度黎既一男一女，個男似Korean，個女似American白人。今堂既Audio，Miss話我D pronounciation好左。^^ (不過都仲有一大段距離)
 

原來打算放學去Menton，不過14:30好似太晏，所以決定走pronounciation。
11:10放學，都趕不及11:30班車，要搭11:45。唔知點解巴士號碼明明係100，但係個司機叫我上第二架，可能有D剩係去到Monaco都未定。最後我起Qual 17坐#100巴士於11:45出發。
沿途見到整個beautiful既蔚藍海岸，真係勁靚。今日海水既顏色好似特別藍，可能係早上既關係啦！呢種真係無敵海景。不過我又坐錯位置，影唔到呢個漂亮既畫面。
12:55，到達Menton，呢個城巿好靜咁，不過冇咩特別，都係陽光與海灘。我入左去Casino兜左個圈。真係要查passport同埋唔比影相， 所以要我放低個袋。原本都想玩兩三局，不過最後都係決定去完Lyon返黎先亂用。之後我行左去石灘，雖然唔游水，不過都覺得呢度好正。 

陽光與海灘，還是讓人心曠神怡

呢個洗手間，收費為€0.3 (~HKD$3)

15:XX，等左好耐車先有，去到Monaco，呢度比我既感覺就好似望緊香港島咁，好多好高既building，沿山咁起。而呢度既位置就好似青山公路 既深井咁，忽然想起一個人，不過我知道當我見到佢，就唔係呢回事。Homemate話佢會home sick，不過我…剩係Friend sick ^++^。





經過一個遊樂場，估唔到，有繩網陣玩，又有車，不過可惜只係比小朋友，最意想不到係竟然有個就咁就跳得落水既泳池，真係開放得咁緊要？

繼續努力搵我既景點〈Palais Princier〉，又要行上山？唔係嘛？黎呢度真係一次過吸晒成年要吸既陽光同一次過做晒平時冇做既運動。好彩呢度冇香港咁熱，行到興都有陣涼風吹下，好舒服！
上到去，剛好見到士兵交更儀式。原本想錄起佢，不過冇咁多space。
仲以為架車會經過上面，唔駛行返落黎，不過最後原來都係要落返黎搵車站。起馬路徘徊，個司機稍為大意一點就撞死我，真係好彩。個司機仲問我有冇事，呢度D人真係好Nice，起香港仲唔鬧到你訓低！
17:43，行左好耐，終於搵到車站，仲岩岩有車^^。
 


19:05，回到家，時間剛剛好。
旅程到這裏，開始有點透支，坐巴士要睡著了。

晚餐：
前菜——蕃茄麵包白芝士青瓜大雜燴
主菜——薯仔焗豬肉

第九天：Musee D'Art Moderne Et D'art Contemporain

天氣清涼

原本今日planned去Eze，最後改左起附近影相，因為想早少少回校找找去Lyon既資料。所以今日去返Jean Medecin同Gare Theirs之間既〈Basilique Notre-Dame〉補影相，因為上星期五下午去背晒光影唔到。之後諗住去埋〈Cimetiere Israelite〉就返學，點知搵唔到，但係行左去〈Musee D'Art Moderne Et D'art Contemporain〉，於是又影下果頭D藝術品，仲有個花園，絕不比Lavender field遜色(仲要係free)，搞搞下，都已經十一點，係時候返去學校。






今早整左個麵做lunch，我坐左起Place Messena 嘆呢個豐富既午餐，幾乎忘記吃午餐，已經適應沒有午餐的習慣，真係可以食一半就飽，一個麵要分兩餐食。:P
對住weekend既安排，我依然感到迷惘。一來一回，好似好貴，又唔知有冇Hostel訓……究竟我賻唔賻好呢？ 

香港帶來的方便麵，因為沒太多工具，其實純粹為飽肚。不過聽住concert級的
街頭音樂，都算苦中作樂的享受。

 
今堂pronounciation轉左Miss，我依然唔知佢做咩，訓鬼左。
之後堂Grammar黎多左批新血，原來係今個week黎既new comers，四個係來自Denmark，一個女仔係America，year range依然係17, 18，我都係最大。不過三個男仔應該係一齊黎，佢地好嘈，其實我唔介意人嘈，不過我對佢地冇咩好感。另外個女仔就好主動咁撩我講野。因為我同佢係最早到課室。因為有新同學，所以今堂又玩自我介紹，原本應該用法文，不過我地用晒英文溝通。:P
 

放學後，我繼續搵返今早去唔到既check point，今次我起第二個站落車，冇咁多分差路，應該行岩，不過成條路都冇人，咁岩又大風，真係有點陰森。我急步行希望快D搵完影相走。不過越上越多分 差路，都唔知邊鬼條，迷路就大鑊。我見人就問，連遊客都唔放過(我問完先知)，佢都比我幅相吸引左一齊去搵，我地咁岩見到個人佢教我地向左行，我就好急步咁向左搵，終於上到最頂(我相信)，不過又唔係，又要落返去，此時我又撞返頭先比我問路既遊客，終於我地一齊到達〈Cimetiere Israelite〉，不過都唔係好似相入面咁靚既，冇水=.=。不過可以睇到全Nice既景，真係抵行咁多級樓梯上黎，不過可惜日落西斜，可以早上個view應該會好正。

 




已經6:30，時間剛好趕及回host吃飯。
今晚爸爸都不在，原來囡囡同friend去左trip，SUN先返。
今晚晚餐係 吞拿魚粟米蕃茄洋蒽，主菜依然係昨日既三文魚扁意粉。

第八天：《St-Paul de Vence》聖保羅藝術山莊

今早是我在Nice的第一個雨天，仲打雷添。我原本打算07:00起身都delay左。差不多九點先出門。去到巴士總站先發覺要09:45先有車。夾好個Horaire原來真係好重要。
09:44，出發往《St-Paul de Vence》(原先打算去Cannes。)原來張"八達通"係用唔著，又要再買票。

10:40，到達《聖保羅藝術山莊》，真係唔駛一個鐘。條村莊亦都唔係好大，一晝的時間絕對夠行。不過我一開波就係咁狂影。:P 剛巧有個小丑路過，佢見我自拍，又走埋黎痴相影，外國人真係more interesting。亦都好彩一開始就影，行到一半，就開始落雨。後來都落得幾大，我入左間教堂避雨+收野(影相工具)。我著左對穿窿鞋去，對腳濕晒……不過都應該已經冇咩野行，所以我就早左返去。

 

今日整日都冇咩心機上堂，掛住度下稍候既行程，搵下去Dijon / Lyon既資料。如果將附近既景點放起weekend去又好似好waste。不過再一次胡亂摸索，我又好驚……想搵人求救。真係唔知點好，好迷惘……

今晚晚餐係雞蛋 + 生果 + 三文魚扁意粉。
夜晚同home mate玩影相。勁搞笑。:P

第七天：再見Avignon

10:00am前要checkout，原本校左鬧鐘07:00響，不過我08:15(the second alarm)先起到身。09:XX，嘆完早餐，便回去收拾行裝準備離開。終於比我等到機會跟同我同房的女孩合照，第一個浮游認識既人。^^
 

今日有兩個景點：教皇宮殿〈Palais des Papes〉+ 羅歇得多姆公園〈Rocher des Doms〉，原本每月既Frist SUN都有好多博物館免費，可能呢個係貴野，所以冇免費，於是起外面影左兩幅相算。












之後去到個公園，D view真係唔錯，勁多野影，抵黎。所以我起公園逗留左好耐，差不多11:00先離開。














遊山玩水後，在中心大街慢步，忽見一個免費參觀的展覽館，還可以拍照，當然不能錯過。雖然得幾件作品，不過仲有人幫我影埋相，正！我就簽左個名到此一遊。:P

終於行到去information center，臨走先拎人地張地圖，次序錯晒:P。不過都已經冇咩時間再睇，本旅遊書實在介紹得太少，唔係咁好，但都已經夠睇。^^
13:02，今次班車準時開出lu。

這兩行大樹，好像一隊整齊站立著的軍隊，夾道歡迎遊客的光臨。

終於可以返黎吃晚餐，今餐前菜係生果(不過我剩係食西瓜) + 咸牛肉，主菜係牛肉麵，其實咸左D同牛肉硬左D，不過係咁多餐最接近中菜既一餐。:P
 

第六天：Lavender Field (薰衣草田)

早上的天氣既清新又清涼。然而，我凍醒左。
07:00 便醒了。梳洗過後便去嘆早餐，坐在戶外品嘗著熱朱古力加牛角飽，是一件多賞心樂事的享受。早餐，雖簡單，卻回味^^。
還要辦理入住手續。大鑊，佢當我住一晚，真係煩，我又要搬返D野走。好彩個tour係坐車，可以放低件行李。

09:20，焦急了一會，終於有車了，初初以為是旅遊巴，原來是可載九人的七人車款。車上已經有三pair人，前頭一pair是外國人，中間是中國人，最後是香港人，估唔到可以遇到香港人，頓時有種被釋放之感，我終於可以說回我的母語了！

今日既tour似遊車河多過睇薰衣草，每段影薰衣草既時間都只係影10~15mins，幸好撞到同胞可以幫影相，自己set腳架我諗真係唔駛影。
我們先在Sun flower田來一個短停拍兩張，再到Provencal market一番，才開始今天正式的活動：入薰衣草田。
司機兼導遊帶我們到最大最好的一塊田拍照。司機說只有15mins時間，(重點，竟然時間只有如此短？不是嘛！)不過原來10mins已經嫌多，正午站在田上，真係熱到甩肺。最初還打算set腳架，哈，我真的想多了。快快拍了一張「到此一遊」，已經想快上車嘆冷氣。
途中見到有一塊D色紫得特別紅，原來係唔同品種，所以網上見到既色總係有點出入。


之後我地又去左兩個城填：SAULT + GORDES，後者真係既舒服又特別，很喜歡呢處既涼風……又或者，是天氣太熱了……
看旅遊書Senanque Abbey既薰衣草係好靚，點知黎到反而冇之前睇到果D既咁好，而且仲唔比行入去，失望！

只逗留在沒蓋覆蓋的花田真的會死人，到村莊乘涼避暑還是必需！

最後一站是Lavender Museum，其實museum沒什麼好看，說明書，最厭看:P。佢個小賣店有D sample，搽左兩野試試，原來我就是不喜歡薰衣草的味道。>…<

17:10，已經返返黎，明明仲有一個鐘可以再影下相，感覺有點不太值回票價，如果多幾個人，自己駕車可能更好 (不過又可能會迷路)。中國人團友說我不懂國語很奇怪，生活上不需用到的語言，自然就會不懂，哪有奇呢？回到居住的Auberge Bagatelle，再試試能否stay多晚，因為第二晚是用email confirm，佢checked HostelWorld係咁話冇紀錄(如果有，我諗我自己都睇到啦=.=)，即係我email既request係not effective……之後佢話如果我真係要住就剩係得 mix果D…..=.=...剛好此時有個女仔又係冇reserve咁黎搵房住，於是佢就建議同呢個女仔一齊入住有couple的4人房，成交！不過呢間房 竟然係冇門匙。

放低左舊石頭，我行左去斷橋影下相，之後入返個城行下影下相，其實如果唔記得個遺跡的歷史，呢條斷橋，確實沒怎麼特別。第一次歐遊，拍些「到此一遊」相便算吧:P。這裏遲遲還未天黑，時間好見駛。行到20:XX，我就返返去營舍既公園坐。真係勁舒服！

第一次置身於城堡之中，真的很喜歡Avignon。

21:XX，天才開始黑，我都返去沖涼早D訓，差不多十點鬆D就爬床，但係十二點，我仍然輾轉ing，想起彼邦也在歐洲快活中的老死……

間房完全無開窗，焗桑拿的一晚……