擁抱冰天雪地

第一次踏足低於零度的城巿，既興奮又恐懼。究竟，會有多凍呢？實在難以想像，根本無法想像，因為從來也未經歷過。

這趟旅行很特別，出發之地是在愛爾蘭，地理上看似較近的國家，原來機程不一定較短。這裏根本沒有直航機到芬蘭，我必需經德國(Dusseldorf)轉飛才能到此 (買機票果陣，我其實完全唔知中轉站屬德國城巿的 ^++^")。 航班起飛時間為上午七時，於是我選擇了提早到機場。第一次訓機場，其實是無聊的，既不能熟睡，又累得什麼也不想幹。不過，在這待機的時間裏，我完成了一首改篇歌詞。英文歌，的確易作很多呢！

經過一整天三程短途機的飛機旅程 (什麼是由朝飛到晚，我確實地體會了)，終於到了目的地Ivalo，立刻拍個照作為到此一遊的痕跡先，不過入夜的Ivalo確實很冷，手指只不過是伸出來數秒，便凍得幾乎控制不了，要立刻跑到室內取暖。

來到山卡拉機場，的確不得做好準備。當大部份乘客已經轉車離開機場，剩下我一個的一剎那，你都咪話唔驚。不過好彩(唔知算唔算係機場職員呢？)，有個人幫我call左的士往我既目的地 (想做慳妹既我原本plan搭車的，不過原來當機場四周都冇人一齊等車，你係唔會選擇不知結果的等待……)

坐的士途中，忽見超巨大月亮出現在的士的正右方，很大很大，從來未見過如此大的月亮在身旁，好像一幅畫咁。不過成程車既路就只得車頭燈，其實很驚，又唔知幾時到，又唔知係咪真係去緊我要去既地方。大約45mins，車終於停下來 (承惠：EUR75元)。終於見到大半年沒見的朋友仔，呢刻既心情，就好似迷路的小孩重遇母親般，直頭有種想撲埋去既衝動。(事實上，如果呢刻我見既係阿媽，我都未必有咁既心情 :P)
入屋後，已經看見她們預備好的晚餐，雖然食物已凍，溫暖，在心中。


第一晚的天色其實幾好，但北極光 好暗，我地睇左成晚都覺得好似睇唔到咁，個月亮仲光。室外既氣溫，亦都唔太適易長候，我其實想呢起屋入面多D……

我在機場的靈感 (曲：最後今天 楊千嬅)

三程機中的唯一一頓飛機餐，真係餓到暈。搭歐洲機，真係要睇清楚包唔包餐！