首到台北(第二天) - 十份‧菁桐‧饒河街夜巿

原本的行程是十份 --> 九份。(最後我們放棄了九份，轉去了菁桐)

要往十份，先要坐台鐵往 瑞芳 ，因為去近郊，車程較長。昨日已在台北車站預先購買車票(NTD$59)，很準時，台鐵 9:15便出發，到達瑞芳之時，己是10:30。在瑞芳車站買票，才發現NTD$52便可無限次乘搭平溪線 (轉區間火車) 往各站。

早點起來，到了 "Canteen"開餐。看見餐廳門口那吸引的餐牌，還以為這次有口福，怎料酒店包的早點原來跟這個餐牌比下去。因為期望，便換來了失望……
 

一去到《十份》，就有得玩蓋印，經常忘記要帶定本"Passport"，去到有得玩印仔既地方先可以印在靚靚既簿仔上，這次唯有印Postcard 上吧！

然後一排賣天燈的店舖……我也失手了！

計劃了要到瀑布一看，所以先走入去。其實冇咩特別，都唔知點解會比入場費 (NTD$180) (平時既我係唔會的！)

 

呢D鄉郊地方最麻煩係要就列車班次時間，我地好似比我原定逗留時間晚了一小時，而且有張任搭既平溪一日票，猶豫不決下終於去了菁桐 (慳得就慳都係大原 則呢)。菁桐真係乜都冇，不過有間日式大宅，今日可以免費參觀，起入面兜了個圈，再寫下post card (其實係玩印仔)，已經差不多夠鐘搭車離開。(剛巧見到一對正拍攝婚紗相的新人)


返回瑞芳已經是五時許，太陽已經下山中，終於放棄了九份，回巿區進佔《饒河街夜巿》，這個很小，只是一條街而已。雖然不吃，還是買了著名的胡椒餅試試，皮真的很脆，奈河不好蒽既人真係對呢舊野冇好感。快速地走了一趟，找最香的臭豆腐來試，真係夠脆呢！好味~
買了杯豆漿紅茶來試，真的頗有趣呢！然後又食勁多熱氣野，終於要臨走前吃一個綠豆冰降降火先。




是日酒店夜宵：花生糯米糍

往爆布時經過的有趣門牌

饒河街夜巿

是次食點：
1) 胡椒餅 (內裏滿是蒽，討厭蒽的我感覺有點中伏)
2) 花枝丸，確實是我的最愛 ^^
3)臭豆腐，I like it!!
4) 還有其他炸物~~~
5) 太熱氣了，似乎真的要個綠豆綿綿冰降降火吧！