第四天：Les Arenes de Cimiez

今天：多雲
琴晚天氣轉涼，訓訓下都要拎返張被(頭幾晚都唔駛包住)。

今日下午先有堂，朝早去了旅遊書介紹既圓形競技場遺跡〈Les Arenes de Cimiez〉參觀。跳上架#22巴士，終於等到位坐。隔離既乘客好似問我去邊，總之佢知我去個競技場，佢話到會叫我落車，雖然我都拎住張車站紙應該唔會唔識落。同佢閒聊左一陣，佢話佢十幾年時去過香港，果陣仲未回 歸，佢話香港好特別，好似New York。:P 唔記得講起咩，佢話香港會好多颱風，呢度呢只係六月係雨季，七月都已經唔會點落雨。

別問我，這是什麼，我其實完全沒考究過 :P

到了，唯一旅遊書介紹唔駛錢有得參觀既景點，都唔知點解係景點，咩都冇。如果行程緊密，一定唔會黎呢度參觀。有班0靚仔行過，我隱約聽到佢講Koh- Ni-Chi-Ha，不過見我冇反應，又講返Bonjour，原來真係同我打招呼。呢個遺跡附近，仲有個Museum，我入左去望左兩望，有人同我講 Bonjour我又走返出去，因為我唔打算駛任何錢去博物館，免得比佢charge所以我都走返出去。隔離有個似乎都係景點既一堆石林，唔知點解呢度咁多人寫生。我起度影左陣相就離開。等左勁耐，架車先出現。又開始坐唔同車去唔知邊度。今次我坐#20，去左Riquier見到有#7轉返去學校附近，於是 落左車，入左去SNCF station兜左round。影左幅到此一遊既相，剛好架車開，走人。途中見到個景點，於是即刻落車，返轉頭影相，原來呢度都有tramway到，我又返左去。:P

今日中間有一堂新野，起大堂上，不過佢一口流利法文，點會聽得明佢所講既詩人/音樂人既生平呢？之後我就訓左教。最可惜呢堂起中間，否則就走堂去遊覽下仲好。
今日天氣唔太熱，唔想waste左，所以放學之後，去左學校附近既景點影相。自拍果陣，總係有人望住我。我諗會自拍既遊客，可能都係得我一個。:P 我見到個途人坐起度咁得閒望住我，所以叫左佢幫我影相。影完之後……我都係覺得自拍較好。:P