第三天：Bus Pass + Bus Travel

今日教動詞變化，只係唔同subject pronouns既動詞變化，工聯會學既野總算有點用處，就係學得果少少已經好好多，因為我知佢教咩。:P
今堂要同人一pair練習，不過我同左個黎自墨西哥既女仔傾計。無意中比我聽出佢問Miss野係句西班牙文黎，嘻嘻！不過當我想講佢知我識邊幾句，我就講唔出，講左句不過又唔記得點解。:P

之後轉左課室上Audio，初初我地聽住盒帶佢讀一句，我地講一句，易果D就好易講到，難果D就聽極都講唔到:P。下半堂我地又一pair pair咁傾計，問下對方鍾意咩野、hobbies等等。我地呢一班人雖然大家都係唔識French，不過佢地好似學得好快，好易掌握咁，成日都可以同老師溝通到，唔知佢地黎之前有冇學過呢？

今日有個lunch gap，我起學校附近影下相，同埋做乘車証手續，只需€27.6 就可以任坐一個月，佢早D講我之前就唔買7 Days pass啦，蝕左。不過佢要我自己影印張passport副本wor，原本只係€0.2 (不過計返港紙都2.X，勁貴)，兩個星期任搭，絕對抵啦！(但係 其實只係慳左2.2€，即係一餐Lunch)

差不多時候返去上堂了，又係完全唔知講咩既pronounciation，今堂係「m」、「n」、「??」，讀極都唔知自己起度講咩，學完又唔記得。既然 只需要80%出席率，一定要把握時間走堂先:P。今堂得四個人返左，坐我隔離果個係亞洲人，佢好靜好shy咁，見佢有D似中國人，但係Miss讀佢個名又 似乎係日本人。終於落堂前1X mins，唔知Miss係咪叫我地自己form pair練習，我就坐埋佢同佢試讀左D字一陣就撩佢講野，問佢叫咩名。我話佢知我去過日本，識少少日文，佢好似有點驚訝咁。:P 哈哈，或者join呢D course既得著唔係學到種語言，係識到不同國藉既人，不過大前提都係大家都要識英文，感覺上呢個日本人D英文似乎唔太得，唔知呢？不過佢真係好shy 咁。
 

又可以周圍去lu，今日玩遊車河，我隨機跳上架巴士(10號)，打算坐到總站，不過見到個我黎之前已經識既站(Centre Administratif)，於是落左車，剛好見到架我打算搭既23號，不過我諗住影下相先，就失策。我等左差不多成個鐘都未見有車，結果我改搭(9 號)巴士出返去先再轉返23號(因為23號唔係成日都停呢個站，有時會去到機場就倒頭)。
23號應該會返到去，不過我唔係好覺得眼有路過。原來最近既站就起我第一晚黎呢度落車個電車站既另一邊。仲有D時間，我就起附近搵下D景點影下相。見到有 個郵局，我入去運左個吉，有部自動售賣郵票機，我玩左陣，寄一張明信片係需要€0.85，真係貴過香港好多。不過我都打算寄返一張比自己。:P
 
又玩野外定向，我起車站同手上幅地圖對下畫低check point，然後跟住地圖搵，都唔知係唔係，條路就應該冇錯，個外觀都似站上地圖果張相，不過總係覺得有少少出入咁。原本打算搵兩個，不過最後放棄左一個。返屋企lu。
 

對於第一次來歐洲的我，什麼建築物也很特別吧！
全都要狂影一番~

07:49pm，吃晚飯時間，我開始習慣跟佢地講Merci同Oui，唔再講thank you，yes。:P佢地話我已經進步，佢地講D單字我又試下讀，好想記住佢，但係睇唔到個串法，我都係呢頭入果頭出。>.< 今日同左媽媽講我weekend會去Avignon，佢問我去唔去Monaco，似乎真係一定要去咁:P，我又話左佢地知我會去Eze。了解完地理環境上課時間，係時候plan下遠行既itinerary。
可能第二日返晏，所以Sweden女又黎同我地傾計，今日開始有D唔知講咩。佢問我起飛機上做咩消磨時間，我話玩扭計骰。佢一副驚訝既表情，大概應該係話我玩D咁用腦既野啦！佢話放假應該要relax~都唔記得講D咩，佢地話我好"tricky"喎。因為我做D野都好特別。:P
 
晚上既涼風，比昨日舒爽。