第二天：法文課‧雞同鴨講 + 地圖摸路

天氣：熱


今日開始上堂，不過下午先有堂，可以訓晏D，我原本校左09:00am，不過我個mobile alarm如常14:15hk(即08:15fr)就響了，既然聽到，即管起身啦。終於有D時間執下野，忽然間發覺我個扭計骰失左蹤，搵極都唔見，或許起機場黎果陣跌左……回程果陣實悶死=.=。
今日我既早餐係牛奶+可可片+依然係麵包。原來Homemate仲未返學，佢同我傾左陣計。呢次旅程，如果可以 KEEP住同佢溝通既話，我相信我D listening一定大有進步，不過speaking依然……

食完野，原本就打算出發回校，不過見屋企冇人，於是洗埋衫先返學。今次試下行第二條路去學校，順便行下街，呢度個價錢牌有D好似同香港差不多咁，然而呢度兌換港紙係要乘12……連一枝鉛筆都要1€，睇黎最平都怕係post card了。終於見到post office喇，不過我打算next week先買post card寄信，要盡入為出。仲有程貴價薰衣草田tour等著我……

行行下，開始覺得唔對路，冇理由咁耐都未到。於是我行返出海邊條路，果然過晒龍，仲過左好多好多…但係我只係一直去前行，點解會唔岩路呢？
今日帶左notebook返學，但係……wireless其實真係唔係好信得過。最後，我都係上唔到網，即係唔駛再帶notebook返學。
開始上課了，第一堂係pronounciation，佢教t同d既分別，但係我完全唔知佢做咩野=.=。真係唔識~ 又咁岩呢個時候有點睡意，真係想好似隔離位咁爬起度訓，不過我都順利咁扮上堂。:P
第二堂應該真係有分班既教書了。有點後悔唔帶筆記簿黎添，竟然要抄notes，好彩有帶工聯會本書仔黎，亦都好彩學過果少少法文，就係果少少，我就知佢講咩，其餘真係已經一知半解，不過Miss真係好有心機教，最搞笑都係佢要講男同女既時候用既身體語言。不過佢唔用英文，我真係唔係好明佢講咩。我真係越黎越質疑個Agent話我知有人剩係識中文都過到黎學到法文。今日學左三句話：講自己個名，講幾歲，同有個哥哥。學左subject pronouns、一D字母法音、數字，D e既發音真係幾難，仲要上面多D野個音又唔同左，不過又極度相似，想mark低都唔知點畫=.=，發極都唔係佢地個音=.=。究竟三個星期，我學到D咩？
 
Last一堂係電腦堂，佢教我地去一個網做練習，我真係覺得自己剩係識得起香港學過果D，可能一時真係記唔到啦。似乎真係要學到咁上下程度先過黎真係比較好。即係有英文既水平去London浸下，我諗就差不多。即管看看呢度D Miss係咪可以化腐朽為神奇。

外國街頭，就是很多這些藝術工作者！

放學lu，我唔忿氣行內街去唔返車站，於是今次我拎住地圖對住黎搵，原來今朝真係行到超遠，路程係一倍有多。但係對住地圖都仲係好疑惑，佢唔似香港一個一個十字路口咁清楚，係忽然間會多左條路，忽然間轉左第二度。不過呢度D街牌尚算清楚，只要對岩D街牌，都會行到既。有個途人見我拎住地圖左望右望仲好好人 咁問我駛唔駛幫忙。呢度既人，似乎真係幾好。終於行返去今朝見過既路，對於今朝條路，我都係有個問號，好似同地圖有點出入。Anyway，終於都搵到第二條返學既路了。
 
起車站附近有人拉小提琴，真係拉得好好聽！

第二餐法國晚餐，爸爸不在，我地去左下面食早餐既位置食飯。唔知點解，仔仔食既野好似要同我地唔同咁，琴日係雞肉，今日係…係咪叫沙甸魚呢？佢又唔食前菜又未見過佢食麵包，剩係食完D肉就夠，搞到我好似好大食咁:P。前菜又係一碟唔知咩黎，有青瓜、吞拿魚同一粒粒好似蒜茸既物體，又係我唔多食既前菜… 不過無錢開飯既我，當然要繼續硬著頭皮食左佢啦，好彩有法包可以飽下肚，主菜依然係琴日果樣，份量應該是昨日既餘物…不過唔緊要，呢樣絕對係so far我最想放入口既野，今日仲有蕃茄做伴菜，因為呢度生果太貴，所以都應該唔會自己買，唯有試下食，不過真係…食唔落，我試左粒就放棄了。佢又拎左D芝士，外國人真係咁鬼鍾意食芝士？仲唔知係咪特登切左舊老鼠芝士比我試，我試左少少，最後都係好唔俾面咁吐返出黎。唔知係咪佢見我唔多點食野，佢問我鍾唔鍾意食我諗應該係甜品掛，我講完我鍾意食ice-cream，佢就拎左幾樣比我揀，不過其實我剩係喜歡吃Choco ice-cream，於是拎左條朱古力甜筒，點知…好鬼甜…又係唔好食既……終於都比人知道我揀飲擇食添，Homemate話我picky，其實我當時唔識解，不過相信係呢個意思。:P